Аляксандр Ананьевіч Труханаў

Аляксандр Ананьевіч Труханаў
Аляксандр Ананьевіч Труханаў
Дата нараджэння	15 сакавіка 1898
Месца нараджэння	Гарадоцкі павет, Віцебская губерня, Расійская імперыя;
Дата смерці	24 жніўня 1979 (81 год)
Род дзейнасці	навуковец
Месца працы	Маскоўскі энергетычны інстытут;
Навуковая ступень	доктар тэхнічных навук (1944)
Навуковае званне	прафесар[d] (1937);
Альма-матар	Санкт-Пецярбургскі дзяржаўны электратэхнічны ўніверсітэт (1926);
Узнагароды

Аляксандр Ананьевіч Труханаў (нар. 15 сакавіка 1898, в. Карпіна^[1] Гарадоцкага павета, Віцебская губерня — 24 жніўня 1979) — вучоны, доктар тэхнічных навук (1944), прафесар (1937).

Біяграфія

Скончыў Саратаўскае сярэднетэхнічнае вучылішча (1919), Ленінградскі электратэхнічны інстытут (1926). З 1927 года супрацоўнік бюро асвятлення Ленінградскага НДІ гігіены працы і тэхнікі бяспекі.

У 1931 годзе ўзначаліў светлатэхнічны аддзел інстытута. З 1939 года ў Маскоўскім энергетычным інстытуце: прафесар кафедры светатэхнікі, затым кафедры эканомікі энергетыкі, з 1946 года загадчык кафедры тэхнікі бяспекі.

Навуковая дзейнасць

Аўтар навуковых прац па пытаннях асвятлення, арганізацыі вытворчасці і тэхнікі бяспекі, шэрага вынаходстваў. Створаны ім прыбор для даследавання якасна-колькасных характарыстык асвятлення адзначаны залатым медалём ВДНГ у 1964 годзе.

Зноскі

↑ Існавалі Вялікае Карпіна (цяпер Мялюзіна) і Малое Карпіна^[d] (не існуе)

Літаратура

Труханаў Аляксандр Ананьевіч // Памяць : Гарадоцкі р-н : гісторыка-дакументальныя хронікі гарадоў і раёнаў Беларусі / уклад. С. І. Садоўская; рэдкал. Н. А. Бурунова [і інш.]. — Мн., 2004. — С. 715.

[1] Існавалі Вялікае Карпіна (цяпер Мялюзіна) і Малое Карпіна^[d] (не існуе)

[1]